ASMARA CYBERCOMMONITY )*
From : Lunacutegirl@yahoo.com
‘……Honey bagaimana keputusanmu, kamu bias mamnuhi permintaanku kan? Kali ini….. saja, demi masa depan kita……”
Raihan coma cengngeng maca pesan e-mail dhari Luna, pello molae ngaremmes edhaina, ngellap esentrong sonarra lampu, nyabana ngaroso jellas ja’ Raihan dhalem kabadha’an bingung, re-lere epece’ tombol Lap Toppa.
From: raihankompas@gmail.co.id
“…kasih aku waktu ya, untuk beberapa hari ini jangan hubungi aku dulu, kamu ngerti aku kan?”.
Samalem Raihan ta’ ngiddha tedhung, ling-gulingan, agentang, mereng, napang, kantos agentang pole, malem akaton ce’ lanjangnga, lampu se biyasana tera’ nerrangi kamarra ekeni’I kantos epate’e kadari terro ngiddha’a , tape jang-bajangenna Luna lako dhateng ngombar etadha’na mata. Bibirra se akantha jerruk saloni, matana semorka’, ban obu’na secelleng pale’ katopa’ ce’ paddhangga mesem mo-remmo akantha bulan pornama.
Rassana ate ta’ bias epongkere, Raihan sadar ja’ saongguna Luna tong-settonga babini’ se ekasennengi, Raihan ngarep esettong bakto Luna bias daddi kalowargana kaangguy sa omorra. Tape pangarep kasebbut akantha coma sabates pangarep asabab bannya’ sakale parbidaan antara kaduwana.
“Raihan maulana, kanna’ cong Rama andhi’ parlo”, sowarana ramana dhari amper tengnga. Raihan takerjat dhari ngen-angenna laju kalowar dhari kamarra kalaban parasaan dag dig dug asabab ta’ biyasa ramana ngolok ngangguy nyama lanjannga. “ ka’dhinto Rama badha ponapa?” Raihan osaha ajawab kalaban tennang, “ toju’ gallu sengko’ anya’-tanya’a”.
* * * * *
Tello taon ganep kabitong dhari bakto penika’an Raihan ban Syarifah, babini’ solehah peyan oreng towana.
Esettong bakto Are nyonar ce’ terrangnga , reng-erengan motor abarna biru se eheyase kembang Malethe akeleran dhateng ban eparkir eyadha’na romana Raihan se laker lowas. Sakabbina onjangan padha dhateng , termaso’ tokoh-tokoh agama, tokoh masyarakat, ban aparat pamarenta se andhi’ hubungan tugas kalaban acra kasebbut ampon lengkap.
Raihan ta’ du.li kalowar dhari kamarra akantha ta’ siyap ka’angguy narema Syarifa asbab atena coma ka’angguy Luna, tape dhabuna Ramana ta’ bisa epaelang dhari pekkerra, “cong ba’na la dibasa la bisa mekker dhimma se lebbi bagus oreng bini’ se ta’ jellas nasabba ban se lakar jellas ka’oladan tengka polana esabban arena”. Raihan bingong ban ragu, sampe’ mosiba ta’ esangka dhateng nimpa Syarifa se andhaddiyagi dhapa’ dha’ ajalla.
Raihan ce’ nyessella aromasa sala sanajjan mosiba kasebbut dhateng elowar prasangka. Raihan ta’ sempat masenneng Syarifa maske coma sa detti’, kastana ate ta’ bisa etambai, Raihan ta’ kalowaran jau dhari Romana , coma ja’-sakejja’ entar ka taneyan budhi toju’ e Taman epenggira Kolam ngabas gulina Aeng ban juko’-juko’ hias se badha e Kolam. Sampe’ tello taon abiddha Raihan odi’ kadibi’an, mongkin reya se andaddiyagi bukte dha’ panyesselanna.
“ Nom, badha sorat dhari Pos”, sowarana Qiqi ngolok dhari amper adha’. On-laon Raihan jaga entar ka ponakanna se ngolok. Sa’abiddha tello taon dhari mosiba se eyalami Syarifa, Qiqi (ponakanna Syarifa) ekapolong Raihan. “ sorat apa , cong?” , Raihan atanya pole, Qiqi ngangka’ bahuna dukalaja anandha’agi ja’ lakar ta’ tao keya. Soratta esambi da’ Romana. Raihan abasanna heran ma’ buruwanna badha sorat se ekerem ngangguy Pos; on-laon ebukka’ soratta;
from: X
to : Raihan Maulana.
“ Asssalamu’alaikum, anda masih ingat saya?, saya tidak bermaksud mengusik ketenangan , tapi jika anda ingin mengenal saya lebih jauh, bukalah e-mail anda, wassalam. !”
Raihan neng-enneng sakejja’, laju entar ka Lap Top-pa se lakar abit ta’ eguna’agi. “Bismillahirrahmanirrahim”, Raihan molae mokka’ e-mailla.
From : aisyah@muslimah.org.co.id
“ assalamu’alaikum...salam sejahtera dan salam maaf yang tiada tara, dari saya Aisyah. Saya sudah tau dan mengerti sepenuhnya pada situasi yang menimpa kanda. Saya juga ikut sedih dan menyampaikan rasa bela sungkawa atas musibah yang menimpa calon istri kanda. Oleh karenanya saya tidak pernah menghubungi kanda, karena saya kira kehaduran saya hanya akan menambah lara di hati kanda. Saya juga berusaha untuk bisa menerima kenyatan ini.”
”Sudah dua tahun saya menjadi Mu’allaf dan mengganti nama saya menjadi Aisyah, saya akan membuang masa lalu saya ( Luna ) menjadi masa depan yang lebih cerah dengan ketulusan dan keilhlasan seorang Aisyah. Tabahkan hatimu kanda, karena Allah tidak akan memberi cobaan siluar batas kemsmpuan hambanya, wassalam...!”,
Raihan notop Lap top-pa kalaban parasaan legga, aeng matana nyapcap ta’ ekarassa, bunga talebat bunga, karana ternyata Luna la aoba daddi oreng bini’ solehah. Sanajjan ta’ daddi judhuna, ca’ oca’na Aisyah bisa masadar ban masabbar atena. Raihan kodu bisa narema kanyata’an se lakar egarissagi Pangiran. Tape edhalem ate kene’na, Raihan ngarep e settong bakto Aisyah bakal daddi judhuna.
Sakalangkong.
Tidak ada komentar:
Posting Komentar